老上海儿歌六首

1、 山里有只庙，

　　庙里有只缸，

　　缸里有只碗，

　　碗里有只蛋，

　　蛋里有个小和尚，

　　嗯呀嗯呀要吃绿豆汤。

2、 小三资，

　　拉车子，

　　一拉拉到陆家嘴。

　　拾着一包香瓜子，

　　炒炒一锅子，

　　吃吃一肚子，

　　拆拆一裤子，

　　到黄浦江边解裤子，

　　拨拉红头阿三看见仔，

　　拖到巡捕行里罚角子。

3、 山浪有只老虎，

　　老虎要吃人，

　　拿伊关辣笼子里。

　　笼子坏脱，

　　老虎逃脱，

　　逃到南京，逃到北京，

　　买包糖精，

　　摆辣水里浸一浸，

　　密西密西拉胡琴。

4、 叫伊淘淘米，揿脱仔饭箩底，

　　叫伊挽挽水，驳起屁股摸螺蛳，

　　叫伊拔拔葱，登拉田里竖烟囱，

　　叫伊纺纺纱，锭子头上开朵花，

　　叫伊绣绣鞋，好像鸡脚赖，

　　叫伊织织布，布机潭里撤推污，

　　叫伊兜兜火，东家白话西家坐，

　　叫伊捉捉花，偷是隔壁田里瓜。

5、 啷啷啷，骑马到松江，

　　摇摇摇，摇到外婆桥，

　　外婆叫我好宝宝。

　　月亮亮，家家小囡出来白相相……

6、 正月里来踢毽子，

　　二月里来放鹞子，

　　三月里向荠菜子，

　　四月里向落花子，

　　五月端午裹粽子，

　　六月里向拍蚊子，

　　七月棉花结铃子，

　　八月里向吐瓜子，

　　九月里收葵花子，

　　十月里向造房子，

　　十一月里切栗子，

　　十二月里养个小儿子。